on my teacher essay in marathi

Please wait while your request is being verified...

शिक्षक दिन मराठी निबंध व भाषण Essay on Teacher’s Day in Marathi

By Rakesh More

Updated on: May 26, 2024

Essay on Teacher’s Day in Marathi हा निबंध आम्ही तुम्हाला वेगवेगळ्या शब्दांत लिहून देणार आहोत. तुम्ही यापैकी कोणताही निबंध तुमच्या परीक्षेमध्ये वापरू शकता.

माणसाच्या आयुष्यात गुरुचे महत्व अनन्य आहे. कारण गुरुच शिष्याचे आयुष्य घडवतो. म्हणूनच गुरूच्या या महान कार्यासाठी त्यांचा सन्मान करण्यासाठी दरवर्षी ५ सप्टेंबर रोजी देशभर शिक्षक दिन साजरा केला जातो.

शिक्षक दिन वर १० ओळीत मराठी निबंध 10 Lines on Teacher’s Day Essay in Marathi

Set 1 is Helpful for Students of Classes 1, 2, 3 and 4.

• शिक्षक दिन हा शिक्षकांच्या समाजाच्या आणि राष्ट्राच्या विकासासाठी केलेल्या योगदानाला समर्पित केलेला एक विशेष दिवस आहे.
• भारतात शिक्षक दिन दरवर्षी ५ सप्टेंबरला साजरा केला जातो.
• या दिवशी डॉ. सर्वपल्ली राधाकृष्णन यांचा जन्म झाला.
• डॉ. राधाकृष्णन हे एक आदर्श शिक्षक, प्रसिद्ध तत्त्वज्ञ आणि स्वतंत्र भारताचे दुसरे राष्ट्रपती होते.
• १९६२ पासून आपण डॉ. सर्वपल्ली राधाकृष्णन यांच्या जयंतीनिमित्त शिक्षक दिन साजरा करीत आहोत.
• प्रत्येक विद्यार्थ्यांच्या जीवनात शिक्षक सर्वात आदरणीय व्यक्ती असतो.
• या दिवशी शाळा आणि महाविद्यालयांमध्ये शिक्षणासंबंधित वेगवेगळे कार्यक्रम आयोजित केले जातात.
• या दिवशी मोठ्या इयत्तेतील विद्यार्थी लहान मुलांना शिकवून शिक्षण दिन साजरा करतात.
• विद्यार्थी या दिवशी आपल्या शिक्षकांना आदराने फूल आणि भेटवस्तू देतात.
• विद्यार्थी शिक्षकांचा सत्कार करतात आणि त्यांचे जीवन व विचारज्ञान वाढवण्याबद्दल त्यांचे आभार मानतात.

शिक्षक दिन मराठी निबंध व भाषण Essay on Teacher’s Day in Marathi (१०० शब्दांत)

Set 2 is Helpful for Students of Classes 5, 6, 7 and 8.

शिक्षक दिन हा शाळा आणि महाविद्यालयांमध्ये सर्वात महत्वाच्या दिवसांपैकी एक आहे. दरवर्षी पाच सप्टेंबरला देशभरातील शाळा आणि महाविद्यालये शिक्षक दिन साजरा करतात. या दिवशी भारताचे माजी राष्ट्रपती डॉ राधाकृष्णन यांचा जन्म झाला होता.

या दिवशी विद्यार्थी शिक्षकांनी दिलेल्या मौल्यवान ज्ञानाबद्दल त्यांचे कृतज्ञतेने आभार मानतात. शिक्षक विद्यार्थ्यांच्या भल्यासाठी जे अथक परिश्रम करतात त्याबद्दल कृतज्ञता म्हणून हा दिवस साजरा केला जातो. विद्यार्थ्यांच्या मनातील शिक्षकांबद्दलचा आदर आणि शिक्षकांचे विद्यार्थ्यांवरील प्रेम दर्शविणारा हा एक उत्तम दिवस असतो.

विद्यार्थ्याच्या यशामागील सर्वात महत्त्वाची व्यक्ती म्हणजे त्याचे गुरु. शिक्षक त्यांच्या विद्यार्थ्यांना उच्चतम ज्ञान देऊन आयुष्यात पुढे जाण्यासाठी प्रोत्साहित करतात. शिक्षकांच्या मदतीशिवाय आणि त्यांच्या मार्गदर्शनाशिवाय विद्यार्थ्यांना जीवनात पुढे जाण्यासाठी योग्य दिशाच मिळणार नाही. शिक्षक प्रत्येक व्यक्तीच्या जीवनावर महत्त्वपूर्ण प्रभाव टाकतात. शिक्षकाशिवाय कोणत्याही व्यक्तीचे जीवन अपूर्ण आहे.

शिक्षक दिन मराठी निबंध व भाषण Essay on Teacher’s Day in Marathi (२०० शब्दांत)

Set 3 is Helpful for Students of Classes 9, and 10.

प्रत्येक माणसाच्या आयुष्यात गुरूला एक महत्वाचे स्थान असते. गुरुविना कोणत्याही व्यक्तीचे जीवन अपूर्ण असते. म्हणूनच या गुरुंचे त्यांनी आपल्यासाठी केलेल्या परिश्रमाचे आभार मानण्यासाठी दरवर्षी ५ सप्टेंबरला शिक्षक दिन साजरा केला जातो. हा दिवस स्वतंत्र भारताचे दुसरे राष्ट्रपती आणि थोर शिक्षक डॉ. सर्वपल्ली राधाकृष्णन यांना समर्पित आहे. हा त्यांचा जन्मदिवस असतो त्यांचा जन्म ५ सप्टेंबर १९८८ रोजी झाला होता.

शिक्षक दिन हा शिक्षक आणि विद्यार्थ्यांच्या जीवनातील एक अविस्मरणीय दिवस असतो. हा एक असा दिवस असतो जेव्हा शिक्षक विद्यार्थ्यांसाठी दररोज घेत असलेल्या परिश्रमासाठी त्यांचा सन्मान केला जातो.

प्रत्येक शिक्षक त्याच्या विद्यार्थ्यांना ज्ञानदान करण्यासाठी दररोज बरेच परिश्रम घेतो. शिक्षक विद्यार्थ्यांना मदत करण्यासठी नेहमी तत्पर असतात. ते विद्यार्थ्याला आयुष्यात यशस्वी होण्यासाठी वाट दाखवतात. म्हणून विद्यार्थ्यांना गुरुच्या या कार्यासाठी कृतज्ञता व्यक्त करण्याचा हा दिवस असतो.

वेगवेगळ्या शाळा आणि महाविद्यालये शिक्षक दिन वेगवेगळ्या प्रकारे साजरा करतात. काही शाळांमध्ये या दिवशी विद्यार्थी स्वतः वेगवेगळ्या शिक्षकांसारखा पोशाख धारण करून लहान वर्गातील मुलांना शिकवून शिक्षक दिन साजरा करतात.

काही शाळा महाविद्यालयांमध्ये शिक्षकांचा सत्कार करण्यासाठी विद्यार्थी विविध कार्यक्रम आयोजित करतात. या कार्यक्रमामध्ये विद्यार्थी अनेक कलाकृती सदर करून शिक्षकांचा सन्मान करतात, शिक्षकांचे त्यांच्या जीवनातील महत्व स्पष्ट करतात. शिक्षकांना नेक भेटवस्तू देऊन त्यांचा सन्मान करतात.

हा दिवस शिक्षकासाठी खूप आनंददायी असतो. त्याला आपल्या कष्टाच्या फळाची जाणीव करून देणारा असतो. त्याच्या निस्वार्थ कार्याचा गौरव या दिवशी केला जातो. खरंच एका शिक्षकाशिवाय विद्यार्थ्याचे जीवन हे दिशाहीन आहे.

शिक्षक दिन मराठी निबंध व भाषण Essay on Teacher’s Day in Marathi (३०० शब्दांत)

Set 4 is Helpful for Students of Classes 11, 12 and Competitive Exams.

प्रख्यात विद्वान, महान तत्वज्ञ, एक आदर्श शिक्षक आणि भारताचे द्वितीय राष्ट्रपती सर्वपल्ली डॉ. राधाकृष्णन यांना कोण ओळखत नाही. राधाकृष्णन यांनी आपल्या सामाजिक आयुष्याची सुरुवात शिक्षक म्हणून केली होती. यानंतर, त्यांनी हळूहळू  ज्ञान आणि कार्यक्षमतेच्या बळावर इतर उच्च पदांचे प्रतिनिधित्व केल्यानंतर अध्यक्षपद स्वीकारले.

सर्वपल्ली एक प्रभावी शिक्षक आणि थोर व्यक्ती होते. ते नेहमीच आर्थिक आणि शैक्षणिक उन्नतीचा विचार करीत असत. कारण शिक्षक हेच राष्ट्राचे भविष्य घडवणारे आधारस्तंभ आहेत आणि सामाजिक, आर्थिक आणि शैक्षणिक उन्नतीशिवाय राष्ट्राचा सर्वांगीण विकास शक्य नाही, हे त्यांना चांगल्या प्रकारे समजले होते.

जर शिक्षकास सन्मान आणि पुरेसे उत्पन्न मिळत नसेल तर राष्ट्राच्या विकासाबद्दल विचार करणे निरर्थक आहे, असे त्यांचे मत होते. म्हणूनच त्यांनी आपला वाढदिवस ‘शिक्षक दिन’ साजरा केला जावा अशी इच्छा व्यक्त केली. तेव्हापासून 5 सप्टेंबर हा दिवस संपूर्ण भारतभर शिक्षक दिन म्हणून साजरा केला जातो

शिक्षकांबद्दलचा आदर आणि प्रेम व्यक्त करण्यासाठी शिक्षक दिन संपूर्ण भारतात साजरा केला जातो. आईला प्रत्येकाच्या आयुष्यातील पहिले गुरु मानले जाते. बालपणी मुले त्यांच्या आईकडून बोलायला शिकतात. जीवनाच्या प्रत्येक टप्प्यावर शिक्षकाला खूप महत्व आहे कारण, आयुष्यात योग्य वाटेवर वाटचाल करून आयुष्यात यशस्वी होण्यासाठी शिक्षकच मार्गदर्शन करतात. शिक्षकच मुलांना देशाचे सुजाण नागरिक होण्यासाठी योग्य मार्गदर्शन करतात.

शाळेत तसेच महाविद्यालयांमध्ये शिक्षक दिन मोठ्या उत्साहाने साजरा केला जातो. यादिवशी विद्यार्थी त्यांच्या शिक्षकांना विविध भेटवस्तू देऊन त्यांचा सन्मान करतात. विद्यार्थी त्यांच्या शिक्षकांना फुले देऊन त्यांचा आशीर्वाद घेतात आणि त्यांना अनेक शुभेच्छा देतात.

विद्यार्थी त्यांच्या शिक्षकांना नृत्य, नाटक यासारख्या त्यांच्या विविध कार्यक्रमाद्वारे खूप आनंदित करण्याचा प्रयत्न करतात. हे सर्व पाहून शिक्षकांना आपल्या विद्यार्थ्यांचा खूप अभिमान वाटतो. या दिवशी अनेक विद्यार्थी शिक्षकांसाठी भाषण करतात. विद्यार्थ्याच्या जीवनात शिक्षकांचे महत्त्व यावर ते भाषण देतात, अशा प्रकारे आनंदाने हा दिवस साजरा केला जातो. विद्यार्थ्याची ही कृतज्ञता पाहून शिक्षकाचे डोळे पाणावतात त्याला आपण केलेल्या कष्टाचे समाधान मिळते.

शिक्षक दिनामुळे विद्यार्थी आणि शिक्षक यांच्यातील नाते अधिक मजबूत होते. विद्यार्थ्याला शिक्षकाचे आपल्या जीवनातील महत्व आणि त्याचे आपल्या यशामागील योगदान याची जाणीव होते. म्हणूनच शिक्षकाच्या महान कार्याला समर्पित हा एक महत्वाचा दिवस आहे, कारण गुरुपेक्षा श्रेष्ठ कोणीही नाही.

शिक्षक दिन मराठी निबंध व भाषण Essay on Teacher’s Day in Marathi (४०० शब्दांत)

Set 5 is Helpful for Students of Classes 11, 12 and Competitive Exams.

डॉ. सर्वपल्ली राधाकृष्णन

शिक्षक दिन हा भारतातील राष्ट्रीय उत्सव आहे. हा दिवस डॉ. सर्वपल्ली राधाकृष्णन यांच्या सन्मानार्थ समर्पित आहे. ते तत्ववेत्ता, राजकारणी स्वतंत्र भारताचे पहिले उपराष्ट्रपती आणि दुसरे राष्ट्रपती होते. शिवाय, विसाव्या शतकातील सर्वात नामांकित शिक्षक म्हणून त्यांचे स्मरण केले जाते.

डॉ. सर्वपल्ली राधाकृष्णन यांचा जन्म ५ सप्टेंबर १८८८ मध्ये आंध्र प्रदेशात झाला. त्यांचा असा विश्वास होता की केवळ योग्य प्रकारचे शिक्षण सर्जनशीलता आणि विश्लेषणात्मक कौशल्याला चालना देऊ शकते. ज्ञान मिळवण्याचा अर्थ म्हणजे व्यावहारिकपणे विचार करणे, सत्याचे पालन करणे आणि जमाव उत्कटतेला प्रतिकार करण्यासाठी एक वृत्ती उत्पन्न करणे होय.

राधाकृष्णनांचे कार्य

डॉ. राधाकृष्णन हे असे एक शिक्षक होते ज्यांनी नैतिक, आध्यात्मिक आणि बौद्धिकदृष्ट्या सुधारण्याचे समर्थन केले. ते प्रख्यात अभ्यासक आणि भारतरत्न पुरस्काराचे मानकरी होते. ते हिंदू धर्माचे समर्थक होते आणि तरुणांच्या मनाला हिंदू धर्माच्या रूपाने आकार देण्याची त्यांची इच्छा होती. जगाने त्याला आध्यात्मिक दृष्टिकोन असलेले एक उल्लेखनीय तत्ववेत्ता म्हणून ओळखले. त्यांचे वाचक त्यांच्या लिखाणातील कार्यामुळे मंत्रमुग्ध झाले आणि असा विश्वास होता की लोकांवर चांगला प्रभाव पाडण्याची क्षमता त्यांच्यात आहे.

शिक्षक दिन साजरा करण्याचे कारण

ते जगभरातील शिक्षकांसाठी एक आदर्श होते. राधाकृष्णन यांना माहित होते की शिक्षक हे देशाच्या विकासाचे आधारस्तंभ आहे, शिक्षक हेच देशाच्या भविष्याचे खरे शिल्पकार आहेत. म्हणूनच समाजात शिक्षकांचे महत्व कायम ठेवण्यासाठी त्यांनी जनतेला त्यांचा वाढदिवस शिक्षक दिवस म्हणून साजरा करण्याची विनंती केली आणि तेव्हापासून दरवर्षी ५ सप्टेंबर शिक्षक दिन म्हणून साजरा होऊ लागला.

शिक्षकाचे महत्व

शिक्षक संयम, करुणा आणि प्रेमाचे प्रतीक म्हणून ओळखले जातात. विद्यार्थ्याच्या आयुष्याला आकार देण्याची महत्वाची भूमिका शिक्षक बजावतात. पुराणामध्ये तर गुरूची तुलना देवाशी केली आहे, म्हणूनच स्कंद पुराणात असे म्हटले आहे,

गुरुर्ब्रह्मा ग्रुरुर्विष्णुः गुरुर्देवो महेश्वरः । गुरुः साक्षात् परं ब्रह्म तस्मै श्री गुरवे नमः ॥

शिक्षक कधीही वर्ग किंवा जातीच्या आधारावर मुलांचे सीमांकन करीत नाहीत. त्यांच्यासाठी, प्रत्येक मूल समान आहे. ते चांगल्या किंवा वाईट विद्यार्थ्यांमध्ये कोणताही फरक न करता ते सर्वांना उज्ज्वल भावियासाठी प्रेरित करतात. अशक्त मुलांना आत्मविश्वासाच्या पृष्ठभागावर आणण्याचे महत्वपूर्ण कार्य ते करतात. सातत्याने केलेल्या प्रयत्नातून शिक्षक मुलांमध्ये जागरूकता आणि चैतन्य निर्माण करतात. ते मातीच्या भांड्याला जसा कुंभार आकार देतो तसाच विद्यार्थ्याच्या जीवनाला आकार देण्याचे मौल्यवान कार्य करतात.

शिक्षक दिन साजरा करण्याच्या पद्धती

शिक्षकाच्या या महान कार्याची कृतज्ञता म्हणून विद्यार्थी शाळा आणि महाविद्यालयांमध्ये दरवर्षी मोठ्या उत्साहाने शिक्षक दिन साजरा करतात. विद्यार्थी विविध सांस्कृतिक कार्यक्रम सदर करून शिक्षकांचा सन्मान करतात. शिक्षकांना भेटवस्तू आणि पुष्पगुच्छ देऊन विद्यार्थी त्यांचा आशीर्वाद घेतात. विद्यार्थी या दिवशी आपल्या आवडत्या शिक्षकासारखा पोशाख धारण करून छोट्या वर्गांमध्ये शिकवण्यास जाऊन शिक्षकांना मानवंदना देतात.

शिक्षकांसाठी हा दिवस खूप आनंददायी असतो. त्यांना आपल्या निस्वार्थ सेवाभावाबद्दल मिळालेला सन्मान पाहून खूप समाधान वाटते आणि विद्यार्थ्यांचा अभिमानही वाटतो. हा दिवस गुरु आणि शिष्य यांच्यातील निर्मळ नात्याचा आणि निस्वार्थ प्रेमाचा दिवस असतो. शिक्षकाचे विद्यार्थ्याच्या जीवनातील असणारे महत्व पटवून देणारा हा दिवस असतो.

तर मित्रांनो, शिक्षक दिन मराठी निबंध व भाषण Essay on Teacher’s Day in Marathi  हा लेख तुम्हाला आवडलाच असेल तर तुम्ही तुमच्या मित्राला सुद्धा हा निबंध Share करू शकता, धन्यवाद.

Rakesh More

या ब्लॉगवर तुम्हाला निबंध, भाषणं, चांगले विचार, आणि गोष्टी वाचायला मिळतील. तुम्हालाही काही लिहायचं असेल तर तुम्ही आमच्या ब्लॉगवर लिहू शकता.

Related Post

दिवाळी मराठी निबंध Essay on Diwali in Marathi

रक्षाबंधन मराठी निबंध Essay on Raksha Bandhan in Marathi

होळी वर मराठी निबंध Essay on Holi in Marathi

दसरा मराठी निबंध Essay on Dussehra in Marathi

Latest posts.

माझे शेजारी मराठी निबंध Essay on My Neighbour in Marathi

माझे स्वप्न मराठी निबंध Essay on My Dream in Marathi

माझे घर मराठी निबंध Essay on My House in Marathi

माझी बहिण मराठी निबंध Essay on My Sister in Marathi

माझा भाऊ मराठी निबंध Essay on My Brother in Marathi

माझे आजोबा मराठी निबंध Essay on My Grandfather in Marathi

inmarathi.me is blog for essay and speech on various topics like festivals, nature, people and general categories.

Quick Links

माझे आवडते शिक्षक निबंध | My Favourite Teacher Essay in Marathi | Maze Avadte Shikshak

शिक्षक आपल्या जीवनात खुपच महत्वाचे असते आज या आर्टिकल मध्ये मी तुमच्या साठी माझे आवडते शिक्षक निबंध ( My Favourite Teacher Essay in Marathi ) आहे जो तुम्हाला नक्कीच आवडेल.

तुम्ही माझे आवडते शिक्षक निबंध pdf पण डाउनलोड करू शकता. 

माझे आवडते शिक्षक निबंध

माझे आवडते शिक्षक निबंध pdf.

आवडते शिक्षक म्हणताच मला आठवतात ते आमचे जाधव सर. जाधव सर हेच आमचे आवडते शिक्षक आहेत. केवळ आवडतेच नव्हेत; तर प्रातःस्मरणीय आणि वंदनीय आहेत. केवळ माझेच नव्हे; तर आमच्या गावातील या शाळेत जे जे विद्यार्थी शिकून गेले त्या सर्वांचे आवडते शिक्षक म्हणजे जाधव सर! किंबहुना या शाळेतील विद्यार्थी कोठेही, केव्हाही एकमेकांना भेटले कौ, ते जाधव सरांच्या हटकून आठवणी काढतात.

जाधव सरांचे व्यक्तिमत्त्व रुबाबदार आहे. उंच शरीरयष्टी, गव्हाळ वर्ण आणि प्रसन्न चेहरा. सरांचा पोशाख अगदी साधा, पण स्वच्छ. कधी कधी ते खादीचा लांब सदरा घालतात; तेव्हा तर ते एकदम रुबाबदार दिसतात. त्यांनी कधी भडक रंगाचे कपडे घातलेले मला आठवतच नाही. सिनेमातल्या ढंगाचे फॅशनेबल कपडे त्यांच्या अंगावर कधी दिसले नाहीत. त्यांच्या या स्वच्छ व साध्या पोशाखावरूनही पाहणाऱ्याला सरांच्या स्वच्छ व निर्मळ अंतःकरणाची आणि निष्कलंक चारित्र्याची लगेच साक्ष पटावी .

जाधव सर आम्हांला विज्ञान व गणित विषय शिकवतात. या विषयांत त्यांचा हातखंडाच होता. विज्ञान विषय कठीण व कंटाळवाणा आणि गणित तर भीतिदायक ! पण जाधव सरांचे कौशल्य असे कौ, हे विषय आम्हांला कधी कंटाळवाणे वाटले नाहीत वा त्यांची भीतीही वाटली नाही. ते अनेकदा वर्गात लॅपटॉप आणतात. त्यातून बरीच नवनवीन माहिती सांगतात. लॅपटॉप व प्रोजेक्टर यांच्या साहाय्याने अणुमधील इलेक्‍्ट्रॉन्सचे भ्रमण दाखवले होते. सूक्ष्मजीवांची निर्मिती ब वाढ कशी होते, हे त्यांनी असेच दाखवले होते. त्यांनी घडवलेल्या सूर्यमालेच्या दर्शनाने तर आम्ही थक्क झालो होतो .

त्यांची शिकवण्याची पद्धतही न्यारी होती. घरगुती प्रसंगांतील उदाहरणे घेत घेत ते सहज अभ्यासाकडे वळत. एकदा विज्ञानाच्या तासिकेच्या वेळी ते ' दही लावण्या 'चे प्रकार सांगू लागले. दही आंबट न होता ते मधुर व मलईसारखे होण्यासाठी विरजण कसे लावतात, हे सांगता सांगता बॅक्टेरिया म्हणजे काय, त्यांचे स्वरूप कसे असते, त्यांचे प्रकार किती वगैरे पाठ्यपुस्तकातील माहितीकडे ते केव्हा वळले, कळलेच नाही. एकदा घरातील फ्युज गेल्यावर त्यांना वितळतार मिळेना , तेव्हा वायरमधील साधी तार लावून वीजप्रवाह कसा सुरू केला, हे त्यांनी आम्हांला वर्गात सांगितले. पण त्यानंतर लागलीच काही क्षणांतच वितळतार आणली आणि साध्या तारेच्या जागी ती बसवली.  हे आपण का केले, नाही तर कोणता धोका होता, हे समजावून सांगता सांगता त्यांनी विजेचे वहन, त्याचे परिणाम इत्यादी बाबी अलगद आमच्या डोक्यात घातल्या. अनेकदा ते शास्त्रज्ञांच्या आयुष्यातले धडपडीचे प्रसंग रंगवून सांगत आणि त्यायोगे अनेक सिद्धांत गप्पांच्या स्वरूपात शिकवत. जाधव सर गणितातील अनेक प्रमेये शिकवताना गणिततज्ञांच्या रंजक आठवणी सांगत. त्यामुळे प्रमेये आम्हांला कधी किचकट कटलीच नाहीत.

विज्ञान प्रदर्शन हा तर जाधव सरांचा जिव्ह्याळ्याचा विषय. आम्हां विद्यार्थ्यांचे गट करून ते सगळ्यांना प्रदर्शनात भाग घ्यायला लावत. आम्हांला ते विषय नेमून देत. आम्हांला विचार करायला लावत; उपक्रम शोधायला लावत. या प्रयत्नांत त्यांचे मार्गदर्शनही असे. त्यामुळे आम्ही मोठ्या शास्त्रज्ञांच्या ऐटीत विज्ञानातील उपक्रम सादर करीत असू.

आता दहावीचे वर्ष संपत आले आहे. माझ्या मनात सारखे येत आहे को, विज्ञान-गणिताची गोडी लावणारे जाधव सरांसारखे शिक्षक यानंतर मला भेटतील का ? ... माहीत नाही. मात्र मला मनापासून वाटते की, यापुढे कदाचित असे सर मिळतील , न मिळतील; पण जाधव सर आम्हांला मिळाले, हे आमचे केवढे भाग्य !

माझे आवडते शिक्षक मराठी निबंध pdf ला आपल्या फोने मध्ये डाउनलोड करण्या साठी खाली दिलेल्या लिंक वर क्लिक करा.

Click Here To Download

डॉ. बाबासाहेब आंबेडकर मराठी निबंध

वाचाल तर वाचाल मराठी निबंध  

माझे बालपण निबंध

माझी आई निबंध मराठी मधे

You might like

Post a comment, contact form.

माझे शिक्षक मराठी निबंध | My Teacher marathi essay

My Teacher marathi essay: नमस्कार! माझं नाव राहुल आहे. आज मी तुम्हाला माझ्या शिक्षकाबद्दल सांगणार आहे. माझा शिक्षक म्हणजे श्री. गिरीश पाटील. ते माझ्या शाळेतील सर्वात प्रिय शिक्षक आहेत. ते खूप चांगले आहेत, आणि त्यांनी मला खूप शिकवलं आहे. माझं त्यांच्या बद्दल सांगायला खूप आवडतं.

शिक्षणाचा प्रवास | My Teacher marathi essay

श्री. गिरीश पाटील यांचा जन्म एक साध्या कुटुंबात झाला. त्यांचा शिक्षण घेण्याचा प्रवास खूप कठीण होता. त्यांच्या कुटुंबात पैशांची कमी होती. पण त्यांनी हार मानली नाही. त्यांनी शाळेत खूप मेहनत केली. त्यांनी पहिल्या वर्गापासूनच शिक्षण घेण्याची आणि त्यात सर्वोत्कृष्ट होण्याच ठरवल होत. ते नेहमी म्हणतात, “शिक्षण म्हणजे जीवनाच खर धन आहे.” ते एकट्याने कॉलेजमध्ये जात असत, आणि त्यांनी शिक्षण पूर्ण केल्यानंतर शिक्षक होण्याचा निर्णय घेतला.

शिक्षक बनण्याचा निर्णय | My Teacher marathi essay

शिक्षक बनण्यासाठी त्यांनी खूप मेहनत केली. त्यांना आपल्यासारख्या गरीब मुलांना शिकवायचं होतं. त्यांच्या मनात विचार होता की, “मी या मुलांना शिकवून त्यांचं जीवन बदलेन.” त्यांचा हा विचार मला खूप प्रेरणा देतो. शिक्षक बनण्यासाठी त्यांना खूप संघर्ष करावा लागला. त्यांनी नोकरी मिळवण्यासाठी खूप प्रयत्न केले. शेवटी, त्यांनी एका शाळेत शिक्षक म्हणून काम करायला सुरुवात केली.

भारतीय किसान निबंध | Essay on indian farmer in hindi

शाळेतील अनुभव | My Teacher marathi essay

श्री. गिरीश पाटील यांची शाळा खूप मोठी होती. तिथे अनेक विद्यार्थी होते. त्यांना प्रत्येक विद्यार्थ्याशी संवाद साधायला आवडायचं. त्यांनी शाळेत केलेले काम, गणित, विज्ञान, भाषा, आणि कला यामध्ये सगळे विषय शिकवले. त्यांच्या कडे खूप ज्ञान होते, आणि ते नेहमी मजेदार पद्धतीने शिकवायचे. मला त्यांची शिकवण्याची पद्धत आणि त्यांचे विचार खूप आवडतात.

विद्यार्थ्यांवरील प्रेम | My Teacher marathi essay

श्री. गिरीश पाटील यांचं विद्यार्थ्यांवर खूप प्रेम आहे. ते आम्हाला नेहमी चांगल्या गोष्टी शिकवतात. जेव्हा कोणत्या विद्यार्थ्याला समस्या येते, तेव्हा ते तिथे मदतीला असतात. ते आमच्या समस्यांकडे लक्ष घेतात आणि त्यावर उपाय सुचवतात. त्यांनी एकदा मला माझ्या गणिताच्या अभ्यासात मदत केली. मी गणितात फार काही चांगला करत नव्हतो, पण त्यांनी मला धीर दिला आणि मला समजून सांगितले. त्यांच्या साहाय्यामुळे, मी त्या गणिताच्या परीक्षेत चांगले मार्क मिळवले.

शिक्षणाची महत्त्वता | My Teacher marathi essay

शिक्षक श्री. गिरीश पाटील यांना शिक्षणाची खूप महत्त्वता आहे. ते म्हणतात, “शिक्षण म्हणजे आयुष्याला उजाळा देणारा प्रकाश आहे.” त्यांनी आम्हाला शिकवले की, शिक्षणामुळे आपल्याला चांगले विचार, चांगली विचारशक्ती आणि चांगले व्यक्तिमत्व मिळवता येते. ते नेहमी सांगतात, “आपण शिकलेले ज्ञान कधीच विसरू नका. ज्ञान म्हणजे आपल्या जीवनाची खरी संपत्ती आहे.”

पिंजऱ्यातील पक्ष्याचे आत्मचरित्र मराठी निबंध | Caged Bird Autobiography Marathi Essay

जीवनातील धडपड | My Teacher marathi essay

श्री. गिरीश पाटील यांच्या जीवनात खूप संघर्ष होता. त्यांनी आपल्या शिक्षणासाठी खूप मेहनत केली. त्यांचं कुटुंब गरीब होतं, पण त्यांनी हिम्मत हरली नाही. त्यांनी त्यांच्या जीवनात काही कठीण काळ अनुभवले, पण त्यांच्यात खूप धैर्य होतं. ते म्हणतात, “कधीही हार मानू नका. कठीण काळ येईल, पण आपल्याला त्यावर मात करायला हवी.” त्यांनी मला शिकवलं की, जीवनात आपल्याला संघर्ष करावा लागतो, आणि तेच आपलं खर यश आहे.

सहलीचे महत्त्व | My Teacher marathi essay

श्री. गिरीश पाटील यांना सहलींचं खूप महत्त्व आहे. त्यांनी शाळेच्या सहलींचे आयोजन केले आणि आम्हाला सहलींमध्ये भाग घेण्यास प्रेरित केले. त्या सहलींमुळे आम्हाला एकत्र येण्याचा, एकमेकांना ओळखण्याचा, आणि एकमेकांबरोबर मजा करण्याचा एक चांगला अनुभव मिळाला. एकदा आम्ही पाण्याच्या तलावाजवळ गेलो होतो. तिथे आम्ही खेळलो, गाणी गायली, आणि सर्वांनी मिळून आनंद घेतला. या सहलींमुळे आमच्यातील एकता वाढली.

शिक्षकांची प्रेरणा | My Teacher marathi essay

श्री. गिरीश पाटील यांचा प्रेरणास्त्रोत म्हणजे त्यांचे आई-वडील. त्यांनी आपल्या जीवनात शिक्षणाची महत्त्वता सांगितली आणि ते त्याबद्दल कधीही विसरले नाही. त्यांनी शिकण्याची आणि शिकवण्याची प्रेरणा दिली. ते म्हणतात, “आपण आपल्या ज्ञानाचा उपयोग इतरांसाठी करायला हवा.” हे सांगताना, ते खूप गर्वाने बोलतात. मला त्यांच्या या विचारांनी खूप प्रेरणा मिळाली आहे.

समर्पण | My Teacher marathi essay

श्री. गिरीश पाटील यांना त्यांच्या कामाबद्दल खूप समर्पण आहे. ते नेहमी आपल्या विद्यार्थ्यांमध्ये चांगले गुण निर्माण करण्याचा प्रयत्न करतात. त्यांच्या कामामुळे, मीही शिक्षक होण्याचं स्वप्न बाळगतो. मी त्यांच्या सारखं एक उत्कृष्ट शिक्षक बनू इच्छितो. त्यांनी मला शिकवलं की, शिक्षक बनणे म्हणजे इतरांना शिक्षण देणं आणि त्यांना उज्ज्वल भविष्याकडे नेणं.

माझ्या शिक्षकाबद्दल सांगताना, मला त्यांच्या प्रत्येक गोष्टीत प्रेम आणि काळजी जाणवते. श्री. गिरीश पाटील यांचे विचार, शिक्षणाची महत्त्वता आणि त्यांच्या अनुभवांनी माझं जीवन बदललेलं आहे. ते मला खूप प्रेरणा देतात आणि मला शिकवतात की, आपण कसे चांगले नागरिक बनू शकतो. त्यांच्या शिक्षणामुळे मी खूप गोष्टी शिकलो आहेत, आणि मी त्यांना कधीच विसरणार नाही.

1 thought on “माझे शिक्षक मराठी निबंध | My Teacher marathi essay”

• Pingback: माझे गाव निबंध | Essay on my village in Marathi

Leave a Comment Cancel reply

Save my name, email, and website in this browser for the next time I comment.

Educational मराठी

• DISCLAIMER | अस्वीकरण
• PRIVACY POLICY | गोपनीयता धोरण
• प्रकल्प
• बातमी लेखन
• शैक्षणिक माहिती
• अनुक्रमणिका
• माहिती

माझे आवडते शिक्षक मराठी निबंध | Maza aavadata shikshak marathi nibandh 8 vi 9vi

माझा आवडता शिक्षक मराठी निबंध , मराठी निबंध ५वी, ८ वी, ९वी |  माझा आवडता शिक्षक निबंध मराठी |  मराठी निबंध माझा आवडता शिक्षक |  माझे आवडते शिक्षक मराठी निबंध |  मराठी निबंध pdf फाईल डाउनलोड |  माझा आवडता शिक्षक निबंध इन मराठी |  माझा आवडता शिक्षक निंबंध दाखवा.

               आमच्या शाळेत खूप शिक्षक आहेत. मी माझ्या शाळेतील प्रत्येक शिक्षकांचा आदर करतो. पण आम्हाला शिकवणारे श्री. पवार सर माझे आवडते शिक्षक आहेत.

         पवार सरांचे वय ४५ वर्षांच्या आसपास आहे. ते मध्यम उंचीचे, सावळे आणि स्वस्थ व्यक्ती आहेत. त्यांचे केस कुरळे आहेत. पवार सर पांढरा  शर्ट आणि काळी विजार असा पोशाख परिधान करतात. ते खूप प्रेमळ आहेत. त्यांची वाणी मधुर आहे. ते विद्यार्थ्यांवर लगेच रागवत नाहीती. पण जेव्हा आम्ही शाळेत शिस्तीच्या नियमांचे पालन करीत नाही तेव्हा मात्र ते आमच्यावर रागावतात.

               पवार सर खूप विद्वान व्यकी आहेत. मराठी आणि इतिहास हे त्यांचे मुख्य विषय आहेत. पण इतर विषयांवर देखील त्यांचे चांगलेच वर्चस्व आहे. ते लागसेच विषय अगदी व्यवस्थितपणे समजून शिकवतात. एखाद्या धड्यातला मुद्दा समजावत असताना ते विविध उदाहरणे देऊन समजावतात. छोट्या छोट्या गोष्टींच्या माध्यमातून ते पाठ्यपुस्तकांतील कठीण मुद्दे सुद्धा अगदी सोपे करून सांगतात. आणि त्या विषयाला रोचक बनवतात. जे विद्यार्थी अभ्यासामध्ये कमी आहेत. त्यांच्यावर ते विशेष लक्ष देतात. त्यामुळेच आमच्या वर्गातील सगळी मले त्यांच्या तासिकेची वाट बघत असतात.

Maza aavadata shikshak nibandh in Marathi  Maza aavadata shikshak yavar nibandh Maza aavadata shikshak var nibandh Marathi My favourite teacher essay in Marathi language

               पवार सर अभ्यासासोबतच आमच्या शाळेत होणाऱ्या विविध कार्यक्रमांमध्ये ही आवडीने सहभाग दर्शवितात. ते बुद्धिबळ खूप चांगल्याप्रकारे खेळतात. त्यांच्या मार्गदर्शनाखाली आमच्या शाळेतील विद्यार्थी आत्तापर्यंत अनेक स्पर्धा जिंकले आहेत. पवार सर नाटक, वाद-विवाद, निबंध, वक्तृत्व यांसारख्या स्पर्धांसाठी सुद्धा विद्यार्थ्यांना चांगल्याप्रकारे मार्गदर्शन करतात. आमच्या शाळेच्या वार्षिक स्नेहसंमेलन कार्यक्रमाच्या आयोजनामध्ये त्यांचा मोलाचा वाटा असतो. या कार्यक्रमाचे सूत्रसंचालन दरवर्षी पवार सर करत असतात.

               पवार सर सर्वांशी प्रेमाने वागत. त्यांच्या चेहरा नेहमी हसरा असतो. ते कायम इतरांच्या मदतीसाठी तत्पर असतात. ते शाळेतील गरीब विद्यार्थ्यांची आवर्जून मदत करतात.

               प्रेमळ आणि मनमिळावू स्वभाव आणि प्रत्येक कामामधील त्यांचे कष्ट आणि कामाप्रती असलेली त्यांची निष्ठा, या सर्वांमुळे पवार सर आमच्या शाळेचे आदर्श शिक्षक आणि माझे आवडते शिक्षक आहेत.

विद्यार्थी मित्रांनो हा निबंध लिहिती असताना खालील मुद्यांना अनुसरून निबंधाचे लेखन करा.

तुमच्या मित्र मैत्रीणींसोबत देखील हा निबंध शेअर करा.

[मुद्दे:

आवडत्या शिक्षकांचा उल्लेख

व्यक्तिमत्व

विद्वत्ता आणि शिकवण्याची पद्धत

शाळेतील इतर कार्यक्रमांमध्ये देखील सहभाग

विद्यार्थ्यांशी व्यवहार

आदर्श शिक्षक

शेवट.]

अजून निबंध पाहण्यासाठी खलील लिंक वर क्लिक करा.👇

येथे क्लिक करा. 

माझा आवडता शिक्षक निबंध इन मराठी माझा आवडता शिक्षक निंबंध दाखवा माझा आवडता शिक्षक माहिती माझा आवाडता शिक्षक यावरनिबंध माझा आवडता शिक्षक मराठी निबंध माझा आवडता शिक्षक वर निबंध मराठी Maza aavadata shikshak nibandh in Marathi Maza aavadata shikshak yavar nibandh 

Post a comment.

माझे आवडते शिक्षक निबंध : Essay My Favorite Teacher in Marathi : Maze Avadate Shikshak Nibandh in Marathi

माझे आवडते शिक्षक निबंध.

Essay My Favorite Teacher in Marathi, Maze Avadate Shikshak Nibandh in Marathi – विद्यार्थ्याचे जीवन घडवण्यात शिक्षकाची भूमिका महत्त्वाची असते. ते केवळ ज्ञान आणि कौशल्ये प्रदान करण्यासाठीच नव्हे तर मूल्ये, नैतिकता आणि नैतिकता स्थापित करण्यासाठी देखील जबाबदार आहेत. माझ्या आयुष्यात, मी अनेक शिक्षकांना भेटलो ज्यांनी मला स्वतःची एक चांगली आवृत्ती बनण्यासाठी प्रेरित केले आणि प्रेरित केले. तथापि, एक शिक्षक आहे जो इतर सर्वांमध्ये वेगळा आहे. त्या माझ्या आवडत्या शिक्षिका आहेत आणि माझ्या आयुष्यावर त्यांचा खोल प्रभाव पडला आहे.

या निबंधात, मी माझ्या आवडत्या शिक्षिका, तिचे गुण आणि तिने माझ्या जीवनावर केलेले प्रभाव याबद्दल चर्चा करणार आहे. माझे आवडते शिक्षक: माझ्या आवडत्या शिक्षिकेचे नाव मिसेस स्मिथ आहे आणि त्या माझ्या हायस्कूलमध्ये इंग्रजीच्या शिक्षिका होत्या. दयाळू हृदयाची आणि शिकवण्याची आवड असलेली ती मध्यमवयीन स्त्री होती. ती इतर शिक्षकांपेक्षा वेगळी आहे हे मला वर्गाच्या पहिल्या दिवसापासूनच कळलं होतं. तिच्याकडे शिकणे मजेदार आणि आकर्षक बनवण्याचा एक मार्ग होता. तिचे वर्ग नेहमी ऊर्जा आणि उत्साहाने भरलेले असत.

मिसेस स्मिथमध्ये अनेक गुण होते ज्यामुळे ती माझी आवडती शिक्षिका बनली. प्रथम, ती तिच्या विषयाबद्दल अत्यंत जाणकार आणि उत्कट होती. तिला इंग्रजी साहित्याची सखोल जाण होती आणि ती जटिल संकल्पना समजण्यास सोप्या पद्धतीने समजावून सांगण्यास सक्षम होती. तिची या विषयाबद्दलची आवड संक्रामक होती आणि त्यामुळे मला आणखी शिकण्याची इच्छा झाली. दुसरे म्हणजे, श्रीमती स्मिथ एक सहनशील आणि दयाळू शिक्षिका होत्या.

आपण कठीण किंवा व्यत्यय आणत असतानाही तिने आपला संयम गमावला नाही. तिने नेहमी आमचे ऐकण्यासाठी आणि आमच्या चिंता समजून घेण्यासाठी वेळ काढला. तिची शांत वागणूक आणि आम्हाला मदत करण्याची इच्छा यामुळे आम्हाला मूल्यवान आणि आदर वाटला. तिसरे म्हणजे, श्रीमती स्मिथ एक सर्जनशील आणि नाविन्यपूर्ण शिक्षिका होत्या.

• माझा आवडता मित्र निबंध : Maza Avadata Mitra Nibandh : Essay on My Best Friend in Marathi

आम्हाला शिकवण्यासाठी ती नेहमीच नवीन आणि रोमांचक मार्ग शोधत असे. मग ते खेळ, चर्चा किंवा प्रकल्पांद्वारे असो, तिने खात्री केली की आम्ही धड्यात व्यस्त आहोत आणि स्वारस्य आहे. तिच्या सर्जनशीलतेमुळे शिकणे मजेदार आणि संस्मरणीय बनले. शेवटी, श्रीमती स्मिथ एक आश्वासक आणि प्रोत्साहन देणारी शिक्षिका होती. आमचा स्वतःवर विश्वास नसतानाही तिचा आमच्यावर आणि आमच्या क्षमतेवर विश्वास होता. तिने नेहमीच आम्हाला आमचे सर्वोत्तम प्रयत्न करण्यासाठी आणि स्टार्सपर्यंत पोहोचण्यासाठी प्रोत्साहित केले. तिची सकारात्मक वृत्ती आणि आमच्यावरील विश्वासामुळे आम्हाला यश मिळवण्याचा आत्मविश्वास मिळाला.

प्रभाव: मिसेस स्मिथचा माझ्या आयुष्यावर खोलवर परिणाम झाला. तिने मला इंग्रजीमध्ये यशस्वी होण्यासाठी आवश्यक असलेली कौशल्ये आणि ज्ञानच शिकवले नाही तर तिने माझ्यामध्ये मूल्ये आणि नैतिकता निर्माण केली जी आजपर्यंत माझ्यासोबत आहेत. तिने मला कठोर परिश्रम, चिकाटी आणि आत्मविश्‍वासाचे महत्त्व शिकवले. तिने मला माझ्या स्वप्नांचे अनुसरण करण्यास आणि स्वतःला कधीही हार न मानण्यास प्रोत्साहित केले. शिवाय, माझ्या आयुष्यातील काही कठीण काळात मिसेस स्मिथ माझ्यासोबत होत्या. जेव्हा मी वैयक्तिक समस्यांशी झगडत होतो, तेव्हा ती नेहमी ऐकण्यासाठी आणि समर्थन आणि मार्गदर्शन देण्यासाठी तिथे असायची.

शेतीविषयी माहितीसाठी येथे क्लिक करा 

तिची करुणा आणि दयाळूपणाने माझ्यासाठी जग बदलले आणि मी नेहमीच तिचा ऋणी राहीन. निष्कर्ष: शेवटी, मिसेस स्मिथ फक्त एक शिक्षिका नव्हत्या, तर एक मार्गदर्शक आणि मित्र होत्या. ती अशी व्यक्ती होती जिने माझ्यावर विश्वास ठेवला होता जेव्हा मी स्वतःवर विश्वास ठेवत नाही आणि तिने मला स्वतःची सर्वोत्तम आवृत्ती बनण्यासाठी ढकलले. तिची उत्कटता, सर्जनशीलता, संयम आणि करुणा यांनी तिला माझी आवडती शिक्षिका बनवली आणि माझ्या आयुष्यावर तिचा प्रभाव अतुलनीय आहे. मला आशा आहे की एके दिवशी मी इतर कोणाच्या तरी जीवनावर तसाच प्रभाव पाडू शकेन, जसा श्रीमती स्मिथने माझ्यावर केला.

आरोग्य विषयक माहितीसाठी येथे क्लिक करा  

हे निबंध सुद्धा जरूर वाचावे :-.

• My Mother Essay in Marathi | माझी आई मराठी निबंध | Majhi Aai Marathi Nibandh
• भाजी बाजारवर मराठी निबंध | Bhaji Bajar Marathi Nibandh | Essay on Vegetable Market
• My favorite sport is football | Maza Avadta Khel Football | माझा आवडता खेळ फुटबॉल
• If Mother Goes on Strike Essay | Aai Sampavar Geli Tar Nibandh | आई संपावर गेली तर निबंध मराठी
• My favorite animal is a bull | Maza Avadta Prani bail | माझा आवडता प्राणी बैल .

Marathi Essay

पेटलेली पणती घेऊन, पायाखालची वाट चालत जायची आहे, नवीन वाटांना पायदळी तुडवताना, रचलेल्या शब्दांच्या जोरावर आयुष्याचा वणवा करायचा आहे!!

• जीवन चरित्र
• ज्ञानवर्धक माहिती
• पक्षी माहिती
• प्राणी माहिती

माझे आवडते शिक्षक निबंध मराठी। My Favourite Teacher Essay in Marathi

मित्रानो शिक्षक हे विद्यार्थ्यांच्या आयुष्यात महत्वाची भूमिका बजावतात. विद्यार्थ्यांच्या सर्वांगीण विकासासाठी शिक्षकाची भूमिका महत्वाची असते. 

तसे पाहता शाळा कॉलेजमध्ये प्रत्येक विषयाला वेगवेगळे शिक्षक असतात. परंतु त्यामधीलच कोणतेतरी शिक्षक विद्यार्थ्याना अतिप्रिय असतात. आजच्या या लेखात आशाच एका माझे आवडते शिक्षक - Maze Avadte Shikshak या विषयावरील निबंध देण्यात आले आहेत. 

माझे आवडते शिक्षक मराठी निबंध | Maze Avadte Shikshak (300 शब्द)

शिक्षक हे प्रत्येकाच्या आयुष्यातील एक अतिशय महत्त्वाचे व्यक्ती असतात. आपल्या भारतीय संस्कृतीत "गुरु ब्रह्मा गुरु विष्णु गुरु देवो महेश्वरा" अशा पद्धतीने शिक्षकाला देवाचा दर्जा दिला गेला आहे. शिक्षक विद्यार्थ्याला शिक्षित करून चांगला नागरिक बनवतात. शिक्षक विद्यार्थ्याचे चरित्र, सवयी आणि करिअर घडवितात. एक शिक्षकच आपल्या विद्यार्थ्यामध्ये विचार करण्याची क्षमता विकसित करतो. आणि त्यांना आपल्या जीवनातील ध्येय प्राप्त करण्यात मदत करतो. प्रत्येक शिक्षकाची हीच इच्छा असते की त्यांचे विद्यार्थी जास्तीत जास्त प्रगती करून आपल्या शिक्षकांची मान अभिमानाने उंच करो. माझ्या शालेय जीवनात देखील असेच एक शिक्षक मला लाभले आहेत, ज्यांचे महत्त्व माझ्या जीवनात अनन्यसाधारण आहे. 

माझे शाळेचे नाव बालमोहन माध्यमिक विद्यालय आहे व माझ्या आवडत्या शिक्षकांचे नाव जगदीश पाटील सर असे आहे. ते आम्हाला मराठी विषय शिकवतात. मी त्यांचे व्यक्तिमत्व, शिकवण्याची पद्धत आणि स्वभावाने खूप प्रभावित झालो आहे. ते अतिशय प्रेमळ आणि दयाळू आहेत. विद्यार्थ्यांमध्ये कोणत्याही प्रकारचा भेदभाव न करता ते सर्व विद्यार्थ्याची काळजी घेतात. जगदीश पाटील सरांची मराठी व्याकरणावर विशेष पकड आहे. त्यांनी शिकवलेली कविता आणि धडे पुन्हा अभ्यासायची आवश्यकता पडत नाही. जगदीश सर विद्यार्थ्यांशी गुरु शिष्याप्रमाणे न वागता एका मित्राप्रमाणे वागतात. अभ्यासाव्यतीरिक्त  त्यांनी मला खाजगी समस्यामध्येही नेहमीच मदत केली आहे. 

जगदीश पाटील सर स्वभावाने जरी प्रेमळ असले. तरी ते कायम असेच प्रेमळ नसून वेळ आल्यावर रागावणारे देखील आहे. त्यांना शिस्त खूप प्रिय आहे. जर कोण्या विद्यार्थ्याने कारण नसतांना वेळेवर अभ्यास पूर्ण केला नाही तर ते त्याला शिक्षाही करतात. सर उच्च शिक्षित आहेत आणि त्यांचे मराठी भाषेतील ज्ञान पण खूप सखोल आहे. या शिवाय त्यांना इतर खूप साऱ्या चालू घडामोडीची माहिती देखील असते. ह्या चालू घडामोडी आणि यासारखी खूपसारी उपयुक्त माहिती गोष्टींच्या माध्यमाने सांगून ते आमचे सामान्य ज्ञान वाढवतात. 

जगदीश पाटील सर आम्हाला फक्त पुस्तकी अभ्यासच न शिकवता शाळेत आयोजित होणाऱ्या खेळ तसेच स्पर्धा मध्ये देखील भाग घ्यायला प्रोत्साहित करतात. ते आम्हाला नेहमी हसत खेळत शिक्षण देतात. जगदीश पाटील सरांनी शिकवलेले धडे लवकर लक्षात रहातात. सरांमुळेच माझ्यात मराठी भाषेविषयी प्रेम निर्माण होऊन मला लेखनाची आवड लागली आहे. जगदीश सर माझ्यासाठी तसेच माझ्यासारखी इतर विद्यार्थ्यांसाठी एक आदर्श आहेत. माझ्या जडणघडणीत त्यांचे योगदान नेहमीच महत्वाचे राहील. 

शिक्षणाचे महत्व निबंध वाचा येथे

माझे आवडते शिक्षक मराठी निबंध | Maze prerak Shikshak Nibandh (200 शब्द)

कोणत्याही व्यक्तीच्या आयुष्यात शिक्षकांचे महत्व अनन्यसाधारण आहे. शिक्षक आपल्या अस्तित्वासाठी आवश्यक गोष्टी शिकवत असतात. शिक्षकाद्वारे मिळालेली शिक्षा विद्यार्थ्याचे आयुष्य बदलून टाकते. एक आदर्श शिक्षक स्वतः आधी आपल्या विद्यार्थ्याचा भविष्याचा विचार करतो. शाळेत प्रत्येक शिक्षक विद्यार्थ्याला समान असतात कारण प्रत्येक शिक्षक त्यांना ज्ञान देण्याचे काम करतात. परंतु केव्हा केव्हा एखादे शिक्षक विद्यार्थ्याचे अती प्रिय बनून जातात. एखादे शिक्षक अधिक आवडण्यामागे अनेक कारणे असू शकतात. 

माझे सुद्धा एक आवडते शिक्षक आहेत, मी त्यांचा स्वभाव आणि शैक्षणिक उत्कृष्टेमुळे अती प्रभावित झालो आहे. ज्या शिक्षकांनी मला प्रभावित केले आहे त्यांचे नाव आहे गजानन गुरव सर. गजानन सर उत्कृष्ट शिक्षक आहेत. ते आमच्या शाळेत गणित विषय शिकवतात. त्यांच्या शिकवण्याच्या पद्धती आणि प्रभावशाली व्यक्तिमत्वामुळे प्रत्येक विद्यार्थ्याला ते प्रिय आहेत. सर्वच विद्यार्थी त्यांची प्रशंसा व सन्मान करतात. 

गजानन सरांची सर्वात चांगली गोष्ट म्हणजे ते सर्व विद्यार्थ्यांना समान व्यवहार देतात आणि सर्व विद्यार्थ्यांशी विनम्रता आणि प्रेमळपणे बोलतात. या शिवाय त्यांना शिस्त अतिप्रिय आहे जर कोण्या विद्यार्थ्याने मस्ती केली किंवा होमवर्क पूर्ण केला नाही तर गजानन सर त्याला शिक्षा पण करतात. एवढे असूनही मला गजानन सर खूप आवडतात.

एक शिक्षक हा कुंभार प्रमाणे असतो. कुंभार ज्या प्रमाणे माती ची भांडे बनवताना त्याला एका हाताने सांभाळून दुसऱ्या हाताने आकार देतो, त्याच प्रमाणे शिक्षक विद्यार्थ्यांच्या जीवनाला आकार देतात. शिक्षक शिवाय चांगला समाज तयार होणे असंभव आहे. म्हणूनच आपल्याला आपल्या फक्त प्रिय शिक्षक नाही तर सर्वच शिक्षकांना समान सम्मान द्यायला हवा.

विडियो पहा:

तर मित्रानो हे होते माझे आवडते शिक्षक या विषयावर लिहिलेले दोन निबंध.  हे  Maze Avadte Shikshak निबंध तुम्हाला कसे वाटले मला कमेन्ट करून नक्की सांगा याशिवाय या निबंधांमध्ये जर काही चूक किंवा इतर काही अडचण तुम्हाला आली असेल तर तेही कमेन्ट मध्ये सांगा धन्यवाद...

1 टिप्पण्या

Useful for me

• Birthday Wishes in Marathi

Contact form

मी शिक्षक झालो तर…मराठी निबंध if i were a teacher essay in marathi

जर मी शिक्षक झालो तर मराठी निबंध if i were a teacher essay in marathi :- प्रत्येकाच्या आयुष्यात शिक्षक हा एक आदर्श व्यक्ती असतो. कारण बालपणी आपल्या बालवयावर होणारे सर्व संस्कार आपल्या आई वडील नंतर जर कोण करत असेल तर ती व्यक्ती म्हणजे एक शिक्षक असतो. त्यामुळे कित्येक विद्यार्थांना शिक्षक व्हावे असे वाटत असते.

नमस्कार मंडळी ! आजच्या या पोस्टमध्ये मी तुम्हाला जर मी शिक्षक झालो तर (if i were a teacher essay in marathi) लिहून देणार आहे. यासाठी मी शिक्षक झालो तर… या विषयावर मी १००, २०० आणि ५०० शब्दात असे दोन तीन निबंध लिहून दिले आहेत. हे सर्व निबंध तुम्हाला नक्कीच आवडतील.

Table of Contents

जर मी शिक्षक झालो तर मराठी निबंध if i were a teacher essay in marathi (१०० शब्दात)

मला लहानपणा पासूनच शिक्षक व्हायला खुप खुप आवडते त्यामुळे मी जर शिक्षक झालो तर प्रत्येक विद्यार्थाला खूप आत्मयतेने शिकवण्याचा प्रयत्न करेन. मी शिक्षक बने पर्यंत जो काही ज्ञानाचा साठा मी कमावेल त्यातील कण न कण मी विद्यार्त्यापर्यंत कसा पोहचेल यासाठी प्रयत्न करेल.

मी विद्यार्थांना चांगली शिकवण देईल, त्यांना चांगली शिस्त लावेल, वडीलधाऱ्या माणसांचा आदर करायला शिकवेल व त्यांच्यावर उत्तम असे संस्कार करेल. जे की त्यांना भावी आयुष्यात एक आदर्श नागरिक होण्यासाठी मदत करतील.

जर मी शिक्षक झालो तर प्रत्येक विद्यार्थ्यास शिक्षणाची समान संधी देईल. सर्वांना सारखेच शिक्षण देईल, कोणत्याही विद्यार्त्याचा तिरस्कार करणार नाही. मी प्रत्येक विद्यार्थाला असे शिक्षण देईल की तो भविष्यात कुठे नोकरीला जरी नाही लागला तरी तो आपल्या देशाचा एक आदर्श नागरिक मात्र नक्कीच बनेल.

जर मी शिक्षक झालो तर मराठी निबंध if i were a teacher essay in marathi (३०० शब्दात)

मी जर शिक्षक झालो तर मी अगोदर ते सर्व गुण अंगीकृत करेल जे की एका आदर्श शिक्षकांमध्ये असायला हवेत. कारण प्रत्येक विद्यार्थी त्याला आवडणारे शिक्षक किंवा त्याच्यासाठी आदर्श असणारे शिक्षक तो मनात ठेवत असतो. त्या शिक्षकाप्रमानेच तो स्वतः अनुसरण करत असतो.

माझे देखील स्वप्न आहे की मी अनेक विद्यार्थांचा आदर्श शिक्षक बनावे. विद्यार्थ्यांनी माझ्या अनेक चांगल्या गुणांचे अनुसरण करावे. त्यांनी देखील माझ्यातील सर्व चांगले गुण अंगीकृत करावेत. पण त्यासाठी मला अगोदर स्वतः मध्ये आणि माझ्या वागण्यात बदल करावे लागतील. त्यासाठी मी पूर्ण मेहनत घेईल.

अनेक विद्यार्थांना शांत आणि प्रेमळ शिक्षक आवडतात. त्यामुळे मी नेहमी वर्गात शांत राहून प्रत्येक विद्यार्त्याशी प्रेमळपणे वागेल. कुणावरही विनाकारण ओरडणार नाही. शिवाय गरजेच्या वेळी त्यांना शिक्षा देखील करेन कारण विद्यार्थांना वचक बसणे देखील गरजेचे असते. त्यांना जर शिक्षा नाही केली तर ते वाईट कृत्य करण्यास घाबरणार नाहीत.

विद्यार्थि हे मळलेल्या पिठाच्या उंड्यासारखे असतात त्यांना आपण जसा आकार देऊ तसे ते घडत जातात. त्यामुळे त्यांना मी प्रेमाने समजून सांगण्याचा प्रयत्न करेल. पण काही विद्यार्थि हे खूप खोडकर असतात त्यांना प्रेमळ शब्दात सांगितलेले लक्षात येत नाही. त्यावेळी मी त्यांना शिक्षा करून देखील वठणीवर आणण्यासाठी प्रयत्न करेन. शिवाय त्यांना वाईट कृत्य करण्यास भीती देखील वाटायला हवी.

मी विद्यार्थांना सहज समजेल अशा सोप्या भाषेत शिकवेल. मी विद्यार्थांना केवळ परीक्षे पुरते न शिकवता त्यांना जास्तीत जास्त ज्ञान कसे देता येईल यासाठी प्रयत्न करेल. मी त्यांना पुस्तकी ज्ञानाबरोबरच आव्हांतर ज्ञानही भरपूर देईल. कारण आयुष्यात यशस्वी होण्यासाठी पुस्तकी ज्ञानाबरोबरच अव्हांतर ज्ञान देखील असावे लागते.

माझ्याकडे असलेला ज्ञानाचा साठा मी प्रत्येक विद्यार्थाला विषयासंबंधी जास्तीत जास्त माहिती कशी देता येईल यासाठी वापरेल. मी प्रत्येक विद्यार्थाला खूप आत्मत्तेने आणि जीव तोडून शिकवेल आणि विद्यार्त्यामध्ये ढ आणि हुशार असा भेद देखील करणार नाही. कारण बुद्धीने प्राथमिक कुणीच हुशार किंवा ढ नसतो.

जो विद्यार्थी अभ्यास करतो , त्यात खूप मेहनत घेतो तोच विद्यार्थी हुशार आणि अभ्यास न करणारा ढ असतो. त्यामुळे प्रत्येक विद्यार्थ्यास हुशार आणि ढ कुणीच नसून अभ्यास करणारा प्रत्येक विद्यार्थी हुशार होऊ शकतो, तो वर्गात पहिला क्रमांक मिळवू शकतो ही भावना रुजवेल. प्रत्येक विद्यार्थाला अभ्यास करण्यासाठी प्रोत्साहन देईल.

जर मी शिक्षक झालो तर…मराठी निबंध if i were a teacher essay in marathi (५०० शब्दात)

प्रत्येक विद्यार्थ्याच्या आयुष्यात शिक्षकाचे फार महत्वाचे स्थान असते. शिक्षकाला विद्यार्थि जीवनाचे शिल्पकार असे म्हटले जाते. कारण शिक्षक जे संस्कार विद्यार्थ्यांना करतात, ते त्यांना आयुष्यभर उपयोगी पडतात.

मला लहानपणापासूनच शिक्षक व्हायला खुप आवडते. मी शाळेत असताना जेंव्हा एखादे नवीन शिक्षक आम्हाला शिकवायला यायचे, तेंव्हा ते प्रत्येक विद्यार्थ्याचा परिचय करून घ्यायचे आणि भविष्यात तुला काय व्हायचे आहे याबद्दल देखील विचारायचे.

त्यावेळी शाळेतील प्रत्येक विद्यार्थी मला डॉक्टर व्हायचे आहे, मला इंजिनिअर व्हायचे आहे तर कुणी सांगायचे मला सरकारी अधिकारी व्हायचे आहे. त्यातील काही जण मला मोठे होऊन पुढारी व्हायचे असे देखील सांगायचे पण मला शिक्षक व्हायचे आहे असे कुणीही सांगायचे नाही. पण त्यातील मी मात्र सर्वात वेगळा होतो. नेहमी सांगायचो मला शिक्षक व्हयाचे आहे.

त्यावर सर्व विद्यार्थी हसायचे पण त्या विचारणाऱ्या शिक्षकाला मात्र नक्कीच अभिमान वाटायचा. कारण त्यांच्या सारखं होण्यासाठी देखील कुणी तरी इच्छा प्रकट करत आहे. कारण हल्ली मला शिक्षक व्हायचे आहे असे कुणीही मनत नाही.

मला शिक्षक व्हायला आवडण्याच कारणही तसंच आहे. माझे संभाषण कौशल्य (communication skill) फारच उत्तम आहे. मला एखादी गोष्ट इतरांना स्पष्ट करून समजून सांगायला खूपच छान जमते. शिवाय मला इंजिनिअर आणि डॉक्टर यासारख्या नोकऱ्या करण्यात रस देखील नाही.

जर मी शिक्षक झालो तर (if i were a teacher essay in marathi) तर सर्वात पहिले मी माझे प्रिय गुरुजी श्री धनावडे सर यांचा आशीर्वाद घेईल. कारण माझे व्यक्तिमत्व घडवण्यामागे त्यांचा खूप मोठा वाटा आहे. शिवाय मी शिक्षक व्हावे ही प्रेरणा मला त्यांच्याकडूनच मिळाली आहे.

मी शिक्षक झाल्यानंतर माझा मुख्य हेतू असेल की दुर्गम भागातील विद्यार्थांना जास्तीत जास्त साक्षर कसे करता येईल. मी शिक्षक होण्याचा माझा मुख्य उद्देश्य देखील हाच आहे. त्यामुळे मी जर शिक्षक झालो तर माझे संपूर्ण आयुष्य मी दुर्गम भागातील विद्यार्थांना शिकवण्यात व्यथित करणार आहे , त्यांना साक्षर करणार आहे.

मी देखील एका खेडेगावात च माझे दहावी पर्यंतचे शिक्षण घेतले आहे. त्यामुळे मला या गोष्टीची जाणीव आहे की खेडेगावातील विद्यार्थांना शाळेत योग्य ते शिक्षण मिळत नाही. शिवाय खेडेगावातील शाळेत सुविधा देखील फार कमी असतात. ना स्कूलबस असते, ना फिल्टरचे पाणी प्यायला त्यांना असते. तसेच खेडेगावत टिवशन ची देखील उपलब्धता नसते.

त्यामुळे जर मी शिक्षक झालो तर मला खेडेगावातील विद्यार्थांना शहरी मुलांना शाळेत ज्या पातळीचे शिक्षण मिळते तेच शिक्षण मी या विद्यार्थाना देणार आहे. खेडेगावातील विद्यार्थी देखील शहरी मुलांशी स्पर्धा करू शकतात, त्यांच्यात पात्रता असते पण त्यांना उच्च पातळीचे शिक्षण खेडेगावात मिळू शकत नाही. म्हणून मी त्यासाठी प्रयत्न करेन.

मी शिक्षक झालो तर विद्यार्थ्यांना शिस्त लावेल, त्यांना चांगल्या सवयी लावेल, त्यांच्यावर चांगले संस्कार करेल. तसेच मी विद्यार्थांना क्वचितच मारेल. कारण मला विद्यार्थांना मारायला अजिबात आवडत नाही.

मी विद्यार्थांना जास्तीत जास्त ज्ञान देण्याचा होईल तेवढा प्रयत्न करेल. त्यांना खूप मन लावून शिकवेल. तसेच विद्यार्थी बोर होऊ नयेत यासाठी मी त्यांना शिकवताना मध्येच जोक किंवा एखादी छोटी गोष्ट देखील सांगेन. जेणेकरून विद्यार्थी बोर देखील होणार नाहीत आणि लक्षदेऊन एकतील.

मी विद्यार्थांना गणित हा विषय शिकवेल. कारण मला गणित हा विषय खुप आवडतो आणि मला तो चांगल्या प्रकारे शिकवता देखील येतो. शिवाय गणितातील मूलभूत संकलपना देखील माझ्या खूप पक्क्या आहेत. त्यामुळे मला वाटते की मी विद्यार्थांना गणित हा विषय शिकवावा.

प्रत्येक शिक्षक आपल्या विद्यार्त्याचे आयुष्य घडवत असतो. तो त्यासाठी खुप मेहनत घेतो. त्यामुळे मला शिक्षक व्हायला नक्कीच आवडेल.

टीप: मित्रांनो या पोस्टमध्ये मी तुम्हाला जर मी शिक्षक झालो तर मराठी निबंध (if i were a teacher essay in marathi) वेगवेगळ्या शब्दात लिहून दिला आहे. यात जर मी शिक्षक झालो तर या विषयावर खूप उत्कृष्ट निबंध लिहिले आहेत. ते सर्व निबंध तुम्हाला नक्कीच आवडतील.

तुम्हाला हा निबंध कसा वाटला मला कमेंट करून कळवा आणि इतर कोणत्या विषयावर मराठी निबंध हवा असेल तर तेही सांगा, धन्यवाद…!!!

हे निबंध देखील अवश्य वाचा :

• भारताचा राष्ट्रीय पक्षी – मोर / माझा आवडता पक्षी – मोर
• ताज महल वर निबंध
• माझे आवडते शिक्षक / माझे आदर्श गुरुजी
• माझी शाळा

Leave a Comment Cancel reply

Save my name, email, and website in this browser for the next time I comment.

Marathi Nibandhs

माझे आवडते शिक्षक मराठी निबंध | 10 lines on my favourite teacher in marathi, नमस्कार मित्रांनो आज आपण  माझे आवडते शिक्षक मराठी निबंध | 10 lines on my favourite teacher in marathi   बघणार आहोत ., माझे आवडते शिक्षक .

• मला माझ्या शाळेतील प्रत्येक शिक्षक आवडतात, परंतु मीना मॅम माझी आवडती शिक्षक आहेत.
•  त्या  माझ्या  वर्गशिक्षक आहे आणि त्या  सकाळी वर्गात इंग्रजी class शिकवतात.
• त्यांना इंग्रजी भाषेचे खूप खोल ज्ञान आहे.
• त्या  सर्वोत्कृष्ट शिक्षक आहे आणि  शाळेतल्या प्रत्येक विद्यार्थ्यांची आवडती शिक्षिका आहे.
• त्या प्रेमळ आणि दयाळू आहे.
• त्यांचा शिकवण्याचा मार्ग खूप सोपा आणि मजेदार आहे.
• जेव्हा आम्हाला काही शंका येते तेव्हा  ती शांतपणे आणि मनोरंजकपणे स्पष्ट करतात.
• त्या खूप शिस्तबद्ध आणि वक्तशीर शिक्षिका आहे. 
• त्याआम्हाला नेहमी चांगल्या सवयी शिकवतात .
• मला खात्री आहे की काही वर्षांनंतरही मी ही शाळा सोडल्यावरही मी त्याचे चित्र माझ्या  मनाच्या खोलीत नेईन.

  टीप : वरील   निबंधाचे   खालील   प्रमाणे   शिर्षक   असु शकते

Shikshak nibandh शिक्षक निबंध मराठी माझ्या आवडत्या शिक्षिका निबंध माझे शिक्षक व संस्कार निबंध my favorite teacher essay in marathi   my teacher essay 10 lines in marathi.

Related Post

Essay Marathi

• Privacy Policy
• DMCA Policy

Get every types of Essays for students

माझे आवडते शिक्षक मराठी निबंध | My Favourite Teacher Essay In Marathi

 माझे आवडते शिक्षक मराठी निबंध | my favourite teacher essay in marathi .

नमस्कार मित्र-मैत्रिणींनो आज आपण  माझे आवडते शिक्षक मराठी निबंध बघणार आहोत. आमच्या शाळेतील सर्वच शिक्षक वर्ग चांगला व कार्यक्षम आहे. सर्वच शिक्षकांबद्दल आम्हाला आदर वाटतो. परंतु माझे सर्वात आवडीचे शिक्षक आहेत श्री. अमीत पाटिल. माझ्या विद्यार्थीजीवनात सर्वात जास्त प्रभाव त्यांचाच आहे.

खरे म्हणजे शाळेतील सर्वच विद्यार्थ्यांचे ते आवडते शिक्षक आहेत. गेल्या दोन वर्षापासून ते आमचे वर्गशिक्षक आहेत. सरांचे व्यक्तिमत्व कोणावरही छाप पाडेल असेच आहे. ते नेहमी साधेच परंतु स्वच्छ पोशाख करतात. ते स्वभावाने अतिशय प्रेमळ आहेत. 

आम्ही त्यांना कधीही दमलेले, चिडलेले असे पाहिले नाही. ते नेहमी हसतमुख असतात व विद्यार्थ्यांनाही आनंदी रहायला सांगतात. ते स्वतः सतत कामात असतात. मी त्यांना कधीही नुसतेच बसलेले किंवा अनावश्यक गप्पा मारतांना पाहिलेले नाही. 

त्यामुळे आम्हा विद्यार्थ्यांनाही अभ्यास करण्याचे, मेहनत करण्याची स्फूर्ती मिळते. त्यांची स्वत:ची शैक्षणिक कारकिर्दही उत्तम आहे. त्यांनी इंग्रजी विषयात M.A. केले आहे. आपल्या विषयांची त्यांना उत्तम जाण आहे. त्यांचे व्याख्यान ऐकणे ही खूपच आनंदाची गोष्ट असते. 

कठिण विषयही सोपा करुन सांगण्याची त्यांची हातोटी वाखाणण्याजोगी आहे. त्यांच्या विषयात शोचे विद्यार्थी नेहमीच चांगल्या मार्कांनी उत्तीर्ण होतात. श्री. पाटिल सर चांगले खेळाडूही आहेत. ते फुटबॉल चांगले खेळतात. शाळेतील क्रिडासाहित्याचे ते इन-चार्ज आहेत. 

विद्यार्थ्यांना खेळांचे चांगले साहित्य पुरविणे तसेच त्याची काळजी घेणे याकडे त्यांचे लक्ष असते. मैदानावर ते असले की मुले धमाल करतात. शाळेतील इतर शिक्षकांचेही ते आवडते व्यक्तिमत्व आहे. कारण ते कोणाचाही हेवा करीत नाहीत किंवा कोणाबद्दल वाईटही बोलत नाहीत. 

त्यामुळेच ते मुख्याध्यापकांचा उजवा हात आहेत. प्रत्येक बाबतीत मुख्याध्यापक त्यांचा सल्ला घेतात. शाळेच्या सर्वच कार्यक्रमात ते उत्साहाने भाग घेतात. म्हणूनच त्यांना शाळेतील आदर्श शिक्षक मानले जाते. या पदवीचा ते पुरेपुर मान ठेवतात. मित्रांनो तुम्‍हाला हा निबंध कसा वाटला हे  तुम्‍ही कमेंट करून सांगु शकता . धन्‍यवाद

• मराठी निबंध
• उपयोजित लेखन
• पक्षांची माहिती
• महत्वाची माहिती
• भाषणे
• कोर्स माहिती

माझे आवडते शिक्षक मराठी निबंध / my favourite teacher essay in marathi

  नमस्कार मित्रांनो आज मी तुम्हाला माझे आदर्श शिक्षक मराठी निबंध |   my favourite teacher essay in marathi  निबंध सांगणार आहोत. या निबं धामध्ये शिक्षकाचे सुंदर वर्णन करण्यात आले आहे.

माझे आवडते शिक्षक मराठी निबंध |   my favourite teacher essay in marathi

My favourite teacher essay in marathi :मित्रांनो बालपण हे सर्वांसाठी रम्य आणि आनंददायी असतेच आणि त्यातही प्रत्येकाला  रमणीय वाटणारी असते ती आपली शाळा , आपली जीवाभावाची , आपुलकीची जागा म्हणजे  शाळा ., माझे आदर्श शिक्षक  मराठी   निबंध |   my favourite teacher essay in marathi .

कुंभार ज्याप्रमाणे मातीच्या गोळ्याला आकार देतो त्याचप्रमाणे विद्यार्थ्याच्या व्यक्तिमत्वाला सुरेख आकार देण्याचे महान कार्य शिक्षक करतात.आई ही प्रत्येकाचा पहिला गुरू असते त्यानंतर  मला घडवण्याचे काम हे माझ्या शाळेने केले .

शाळेत  आपल्याला चांगले संस्कार दिले जातात हे  फक्त आणि फक्त आपल्या गुरुद्वारा आपल्या वंदनीय आदरणीय शिक्षकाद्वारे शक्य आहे. शालेय  जीवनात असतांना बऱ्याच शिक्षकांनी मला शिकवले आहे पण माझे आवडते शिक्षक म्हणजे पाटील सर आहे.

गुरुब्रह्म गुरूर्वविश्र्नी गुरुर्देवो महेश्वरा, गुरू साक्षात परब्रम्ह तस्मै श्री गुरुवे नम:

पाटील सर हे माझे आवडते शिक्षक   आहे. ते   उंच आहे , गोरे   आहे.आणि ते कपाळावर नेहमी टिक्का लावत असते. त्यांचा स्वभाव हा नेहमीच हसरा , खेळकर शांत आणि गंमतीदार   आहे ते   नेहमी चक्काचक असे स्वच्छ इस्त्री केलेले पांढरे शुभ्र शर्ट आणि काळा पँट घालत असतात. 

त्यांचे बुट पण पॉलिश केलेले राहतात. हे सर्व त्यांची शिस्त. बघून आम्हाला पण योग्य आणि नीटनेटक राहण्याची सवय लागली. पाटील सर , आम्हाला विज्ञान तंत्रज्ञान , गणित आणि कॉम्प्युटर हे विषय शिकवतात. गणित आणि विज्ञान विषय म्हटले की सर्वांचा नाआवडते विषय असते पण , पाटील सरांच्या शिकवण्याच्या पद्धतीने ते विषय आम्हाला सर्वात सोपे वाटू लागले.

हे पण वाचा सूर्य उगवला नाही तर  

विज्ञान विषय शिकव तांना सर आम्हाला वेगवेगळे प्रयोग करून दाखवत असतात.आमच्या शाळेत दरवर्षी विज्ञान प्रदर्शनी असते , त्यात नेहमी पाटील सर आम्हाला प्रयोग बनवण्यात मदत करत असतात.एखादा सरांच्या मार्गदर्शना खाली मी बनवलेला प्रयोग हा राज्य स्तरीय विज्ञान प्रदर्शनीत सामील झाला.

 एवढच नव्हे तर त्यामध्ये मला प्रथम क्रमांक सुद्धा मिळाला . त्यांना विज्ञान या विषयातिल खूप ज्ञान आहे.त्यांना विज्ञान विषयातील कोणत्याही प्रश्नाचे उत्तर माहीत असतात.ते नेहमी विज्ञा न मधील लागलेले शोध आम्हाला सांगत असतात.त्यामुळे आम्हाला विज्ञान या विषया बद्दल अधिक गोडी निर्माण झाली.

पाटील सर आम्हाला गणित सुद्धा शिकवतात.त्यांना गणितातील अनेक अशा युक्त्या माहिती आहे. त्यामुळे आमचे सर्वाचे गणितातील सूत्र आणि पाढे एखदम मुखपाट झाले आहे. आणि सर आम्हाला कम्प्युटर सुद्धा शिकवतात.शाळेत कोणालाही कम्प्युटरचा काही प्रश्न असेल , तर सर्वजण पाटील सरांचेच नाव सुचवतात.त्यांना कम्प्युटरचे अफाट ज्ञान आहे. 

कम्प्युटरच्या तासात सरांसोबत आमचा तास कसा जातो ते कळतच नाही.इतके आम्ही कम्प्युटरच्या विश्वात हरपून जातो.त्यांनी ई-लर्निंग द्वारे आमची शिक्षणाची गोडी अधिक वाढवली. ते सतत गरजू विद्यार्थ्यंना मदत करत असतात.त्यांना कधीही प्रश्न विचारला तर ते सांगतात.ते कधीही कोणत्याही विद्यार्थ्यावर रागवत नाही.

आमच्या शाळेला पाटील सरांनी स्वछ सुंदर शाळेचा पुरस्कार मिळवून दिला.अनेक गरीब विद्यार्थ्यंना ते आर्थिक मदत सुद्धा करतात.कोणतीही अपेक्षा न करता ते मनापासून ज्ञान दानाचे पवित्र कार्य करतात.त्यांनी मला फक्त पुस्तकी ज्ञान दिले नाही , तर माझ्या आयुष्याला आकार देण्याचे मोलाचे कार्य केले.अश्या पाटील सरांसारख्या अष्टपैलू शिक्षकाची आज समाजाला नितांत गरज आहे.

पाटील सर माझे आवडते शिक्षक आहे.अशा प्रेमळ कर्तव्यदक्ष , अष्टपैलू सरांना मी कधीच विसरणार नाही धन्यवाद.

मित्रांनो तुम्हाला माझे आवडते शिक्षक हा मराठी निबंध कसा वाटला , आम्हाला खाली कमेंट करून नक्की कळवा.आणि आपल्या मित्र मैत्रिणी बरोबर शेअर करा.

टीप: या निबंधाचे शीर्षक खलील प्रमाणे असू शकते.  

• essay on importance of teacher in marathi
•   maza adarsh shikshak marathi nibandh
•   maze guruji marathi nibandh  
•  shikshak din marathi nibandh  

Team infinitymarathi

टिप्पणी पोस्ट करा, 0 टिप्पण्या, telegram group.

• essay in marathi
• information in marathi
• marathi speech
• course information in marathi
• advertising in Marathi

गैरवर्तनाची तक्रार करा

हा ब्लॉग शोधा.

• ऑक्टोबर 2024 6
• ऑगस्ट 2024 4
• जुलै 2024 2
• जून 2024 5
• मे 2024 1
• एप्रिल 2024 3
• मार्च 2024 16
• जानेवारी 2024 2
• डिसेंबर 2023 1
• नोव्हेंबर 2023 2
• ऑक्टोबर 2023 1
• ऑगस्ट 2023 2
• मे 2023 1
• एप्रिल 2023 1
• फेब्रुवारी 2023 2
• जानेवारी 2023 2
• ऑक्टोबर 2022 1
• मे 2022 4
• एप्रिल 2022 1
• मार्च 2022 3
• फेब्रुवारी 2022 5
• जानेवारी 2022 1
• डिसेंबर 2021 2
• नोव्हेंबर 2021 2
• ऑक्टोबर 2021 2
• सप्टेंबर 2021 3
• ऑगस्ट 2021 4
• जुलै 2021 5
• जून 2021 8
• मे 2021 16
• मार्च 2021 2
• फेब्रुवारी 2021 6
• जानेवारी 2021 1

Social Plugin

Follow us on google news.

• https://news.google.com/publications/CAAqBwgKMMz2owswj4G8Aw?ceid=IN:en&oc=3

Featured Post

क्रिप्टो करेंसी म्हणजे काय | cryptocurrency meaning in marathi | cryptocurrency information in marathi

click here to get information

Menu Footer Widget

• Privacy policy
• Terms and Conditions